ਹਿੰਸਾ ‘ਚ ਮਾਰੇ ਗਏ ਲੋਕਾਂ ਨੂੰ ਸ਼ਹੀਦ ਕੀਤਾ ਜਾਵੇਗਾ ਘੋਸ਼ਿਤ’-ਨੇਪਾਲ ਦੀ ਅੰਤਰਿਮ PM ਸੁਸ਼ੀਲਾ ਕਾਰਕੀ ਦਾ ਵੱਡਾ ਬਿਆਨ

ਨੇਪਾਲ ਦੀ ਅੰਤਰਿਮ ਪ੍ਰਧਾਨ ਮੰਤਰੀ ਸੁਸ਼ੀਲਾ ਕਾਰਕੀ ਨੇ ਕਾਰਜਕਾਰ ਸੰਭਾਲਣ ਦੇ ਬਾਅਦ ਕਿਹਾ ਕਿ Gen-Z ਅੰਦੋਲਨ ਵਿਚ ਮਾਰੇ ਗਏ ਲੋਕਾਂ ਨੂੰ ਸ਼ਹੀਦ ਐਲਾਨਿਆ ਜਾਵੇਗਾ। ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 10-10 ਲੱਖ ਰੁਪਏ ਦਾ ਮੁਆਵਜ਼ਾ ਦਿੱਤਾ ਜਾਵੇਗਾ।

ਨੇਪਾਲ ਹਿੰਸਾ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 72 ਹੋ ਗਈ ਹੈ, ਇਨ੍ਹਾਂ ਵਿਚ 1 ਭਾਰਤੀ ਮਹਿਲਾ ਵੀ ਸ਼ਾਮਲ ਹੈ। ਕਾਰਕੀ ਨੇ ਭ੍ਰਿਸ਼ਟਾਚਾਰ ਨੂੰ ਖਤਮ ਕਰਨ ਦਾ ਸੰਕਲਪ ਲਿਆ। ਉਨ੍ਹਾਂ ਕਿਹਾ ਕਿ ਨੇਪਾਲ ਵਿਚ ਪਹਿਲੀ ਵਾਲ 27 ਘੰਟੇ ਤੱਕ ਲਗਾਤਾਰ ਅੰਦੋਲਨ ਹੋਇਆ। ਕਾਰਕੀ ਬੋਲੀ-ਮੈਂ 6 ਮਹੀਨੇ ਤੋਂ ਵਧ ਸਮੇਂ ਤੱਕ ਸੱਤਾ ਵਿਚ ਨਹੀਂ ਰਹਾਂਗੀ ਤੇ ਨਵੇਂ-ਚੁਣੇ ਸੰਸਦ ਨੂੰ ਇਹ ਹੱਕ ਸੌਂਪ ਦੇਵਾਂਗੀ। 12 ਸਤੰਬਰ ਨੂੰ ਪੀਐੱਮ ਅਹੁਦਾ ਸੰਭਾਲਣ ਦੇ ਬਾਅਦ ਕਾਰਕੀ ਨੂੰ ਨੇਪਾਲ ਵਿਚ 5 ਮਾਰਚ 2026 ਨੂੰ ਆਮ ਚੋਣਾਂ ਕਰਾਉਣ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਸੀ।

ਦੱਸ ਦੇਈਏ ਕਿ ਹਿੰਸਾ ਦੇ ਬਾਅਦ ਤਿੰਨ ਸਾਬਕਾ ਪੀਐੱਮ ਕੇਪੀ ਸ਼ਰਮਾ ਓਲੀ, ਸ਼ੇਰ ਬਹਾਦੁਰ ਦੇਉਬਾ ਤੇ ਪੁਸ਼ਪ ਕਮਲ ਦਹਿਲ ਪ੍ਰਚਡ ਬੇਘਰ ਹੋ ਗਏ ਹਨ। Gen-Z ਪ੍ਰਦਰਸ਼ਨਕਾਰੀਆਂ ਨੇ 9 ਸਤੰਬਰ ਨੂੰ ਉਨ੍ਹਾਂ ਦੇ ਘਰ ਨੂੰ ਸਾੜ ਦਿੱਤਾ ਸੀ। ਫਿਲਹਾਲ ਇਹ ਸਾਰੇ ਆਰਮੀ ਕੈਂਪਾਂ ਵਿਚ ਰਹਿ ਰਹੇ ਹਨ।