ਕਰਨ ਔਜਲਾ ਦੀ ਫੈਨ ਹੋਈ ਦਿੱਲੀ ਦੀ CM ਰੇਖਾ ਗੁਪਤਾ! Concert ਤੋਂ ਸਿੰਗਰ ਨਾਲ ਕੀਤੀ ਮੁਲਾਕਾਤ

ਪੰਜਾਬੀ ਗਾਇਕ ਕਰਨ ਔਜਲਾ ਆਪਣਾ ਬਹੁਤ ਹੀ ਉਡੀਕੇ ਜਾ ਰਹੇ ਪੀ ਪੌਪ ਕਲਚਰ ਇੰਡੀਆ ਟੂਰ ਸ਼ੁਰੂ ਕਰਨ ਵਾਲਾ ਹੈ ਅਤੇ ਅੱਜ ਸ਼ਨੀਵਾਰ ਨੂੰ ਉਨ੍ਹਾਂ ਦਾ ਇਵੈਂਟ ਹੈ ਦਿੱਲੀ ਵਿਚ 28 ਫਰਵਰੀ ਨੂੰ ਜਵਾਹਰਲਾਲ ਨਹਿਰੂ ਸਟੇਡੀਅਮ ਵਿਚ। ਕੰਸਰਟ ਤੋਂ ਪਹਿਲਾਂ ਕਰਨ ਅਤੇ ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਦੀ ਇੱਕ ਮੀਟਿੰਗ ਹੋਈ ਇਸ ਦੌਰਾਨ ਦੀ ਗੱਲਬਾਤ ਦਾ ਵੀਡੀਓ ਰੇਖਾ ਗੁਪਤਾ ਨੇ ਸ਼ੇਅਰ ਕੀਤਾ ਹੈ। CM ਨੇ ਨਾ ਸਿਰਫ ਸਿੰਗਰ ਦਾ ਸਵਾਗਤ ਕੀਤਾ ਸਗੋਂ ਉਨ੍ਹਾਂ ਨੇ ਕਰਨ ਨੂੰ ਇਹ ਭਰੋਸਾ ਵੀ ਦਿੱਤਾ ਕਿ ਉਨ੍ਹਾਂ ਨੂੰ ਉਥੇ ਕੋਈ ਦਿੱਕਤ ਨਹੀਂ ਹੋਵੇਗੀ। ਉਨ੍ਹਾਂ ਦੀ ਗੱਲਬਾਤ ਤੋਂ ਸਾਫ ਲੱਗ ਰਿਹਾ ਸੀ ਕਿ ਉਹ ਖੁਦ ਸਿੰਗਰ ਦੀ ਪ੍ਰਸ਼ੰਸਕ ਬਣ ਗਏ ਹਨ।

ਸ਼ੁੱਕਰਵਾਰ ਨੂੰ ਰੇਖਾ ਗੁਪਤਾ ਨੇ ਕਰਨ ਔਜਲਾ ਨਾਲ ਇੱਕ ਵੀਡੀਓ ਸਾਂਝਾ ਕੀਤਾ। ਵੀਡੀਓ ਵਿੱਚ, ਰੇਖਾ ਕਹਿੰਦੇ ਹਨ, “ਤੁਹਾਡਾ ਦਿੱਲੀ ਵਿੱਚ ਬਹੁਤ ਸਵਾਗਤ ਹੈ। ਅਸੀਂ ਚਾਹੁੰਦੇ ਹਾਂ ਕਿ ਦਿੱਲੀ ਇੱਕ ਪ੍ਰਮੁੱਖ ਪ੍ਰੋਗਰਾਮ ਹੱਬ ਬਣੇ। ਵੱਡੇ ਸਿਤਾਰੇ ਇਥੇ ਆ ਕੇ ਪਰਫਾਰਮ ਕਰਨ ਤੇ ਸਾਡੇ ਯੂਥ ਨਾਲ ਕਨੈਕਟ ਹੋਣ। ਇਸ ‘ਤੇ ਕਰਨ ਕਹਿੰਦੇ ਹਨ ਕਿ ਅੱਜ ਮੇਰਾ ਪਹਿਲਾ ਸਟੇਡੀਅਮ ਸ਼ੋਅ ਹੈ ਅਤੇ ਦਿੱਲੀ ਤੋਂ ਹੋ ਰਿਹਾ ਹੈ।

ਰੇਖਾ ਫਿਰ ਕਰਨ ਨੂੰ ਭਰੋਸਾ ਦਿੰਦੇ ਹਨ ਕਿ ਉਨ੍ਹਾਂ ਨੂੰ ਦਿੱਲੀ ਵਿੱਚ ਬਹੁਤ ਪਿਆਰ ਮਿਲੇਗਾ ਅਤੇ ਕਹਿੰਦੇ ਹਨ ਕਿ ਅਸੀਂ ਇਹ ਯਕੀਨੀ ਬਣਾਵਾਂਗੇ ਕਿ ਸਭ ਕੁਝ ਸਾਫ਼-ਸਫਾਈ ਨਾਲ ਹੋਵੇ ਅਤੇ ਅਸੀਂ ਟ੍ਰੈਫਿਕ ਦਾ ਵੀ ਧਿਆਨ ਰੱਖਾਂਗੇ ਕਿ ਕੋਈ ਮਿਸਮੈਨੇਜਮੈਂਟ ਨਾ ਹੋਵੇ।

ਰੇਖਾ ਗੁਪਤਾ ਨੇ ਇਹ ਵੀਡੀਓ ਸਾਂਝਾ ਕੀਤਾ ਅਤੇ ਲਿਖਿਆ, “ਕਰਨ ਔਜਲਾ ਨਾਲ ਮੁਲਾਕਾਤ ਹੋਈ। ਇਨ੍ਹਾਂ ਵਰਗੇ ਆਰਟਿਸਟ ਨਾ ਸਿਰਫ ਪਰਫਾਰਮ ਕਰਦੇ ਹਨ ਸਗੋਂ ਜਨਰੇਸ਼ਨ ਨੂੰ ਵੀ ਮੂਵ ਕਰਦੇ ਹਨ। ਅਸੀਂ ਨਾ ਸਿਰਫ ਕਲਚਰ ਦਾ ਪਾਰਟ ਹਾਂ ਸਗੋਂ ਅਸੀਂ ਫਿਊਚਰ ਨੂੰ ਵੀ ਸ਼ੇਪ ਕਰਦੇ ਹਾਂ। ਦੇਸ਼ ਦੀ ਕੈਪੀਟਲ ਹੁਣ ਨੈਕਸਟ ਕਲਚਰ ਕੈਪਚਰ ਵੱਲ ਵੱਧ ਰਹੀ ਹੈ।

ਦਿੱਲੀ ਤੋਂ ਬਾਅਦ, ਕਰਨ ਦੇ ਸੰਗੀਤ ਸਮਾਰੋਹ ਮੁੰਬਈ ਅਤੇ ਪੁਣੇ ਵਿੱਚ ਇੱਕ ਹੋਲੀ ਵਿਸ਼ੇਸ਼ ਲਈ ਹੋਣਗੇ। ਫਿਰ ਟੂਰ 7 ਮਾਰਚ ਨੂੰ ਅਹਿਮਦਾਬਾਦ ਲਈ ਰਵਾਨਾ ਹੋਵੇਗਾ। ਇਸ ਤੋਂ ਬਾਅਦ 14 ਮਾਰਚ ਨੂੰ ਚੰਡੀਗੜ੍ਹ, 21 ਅਪ੍ਰੈਲ ਨੂੰ ਇੰਦੌਰ ਅਤੇ 29 ਅਪ੍ਰੈਲ ਨੂੰ ਬੰਗਲੁਰੂ ਵਿੱਚ ਪ੍ਰਦਰਸ਼ਨ ਕੀਤਾ ਜਾਵੇਗਾ। ਅਪ੍ਰੈਲ ਵਿੱਚ, ਕਰਨ 3 ਅਪ੍ਰੈਲ ਨੂੰ ਕੋਲਕਾਤਾ, 5 ਅਪ੍ਰੈਲ ਨੂੰ ਜੈਪੁਰ, 10 ਅਪ੍ਰੈਲ ਨੂੰ ਲਖਨਊ ਅਤੇ 12 ਅਪ੍ਰੈਲ ਨੂੰ ਲੁਧਿਆਣਾ ਵਿੱਚ ਪ੍ਰਦਰਸ਼ਨ ਕਰਨਗੇ।