ਵ੍ਰਿੰਦਾਵਨ ਦੇ ਬਾਂਕੇ ਬਿਹਾਰੀ ਮੰਦਰ ਦੇ ਸ਼ਰਧਾਲੂਆਂ ਲਈ ਅਹਿਮ ਖ਼ਬਰ

ਵ੍ਰਿੰਦਾਵਨ : ਵ੍ਰਿੰਦਾਵਨ ਦੇ ਬਾਂਕੇ ਬਿਹਾਰੀ ਮੰਦਰ ਦੇ ਸ਼ਰਧਾਲੂਆਂ ਲਈ ਇੱਕ ਅਹਿਮ ਖ਼ਬਰ ਆਈ ਹੈ। ਹੁਣ ਮੰਦਰ ਵਿੱਚ ਵੀ.ਆਈ.ਪੀ. ਸਲਿੱਪਾਂ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ। ਯਾਨੀ ਹੁਣ ਹਰ ਸ਼ਰਧਾਲੂ ਨੂੰ ਆਮ ਸ਼ਰਧਾਲੂਆਂ ਵਾਂਗ ਲਾਈਨ ਵਿੱਚ ਖੜ੍ਹੇ ਹੋ ਕੇ ਠਾਕੁਰ ਜੀ ਦੇ ਦਰਸ਼ਨ ਕਰਨੇ ਪੈਣਗੇ। ਇਹ ਫ਼ੈਸਲਾ ਬੀਤੇ ਦਿਨ ਹੋਈ ਉੱਚ ਪੱਧਰੀ ਪ੍ਰਬੰਧਨ ਕਮੇਟੀ ਦੀ ਮੀਟਿੰਗ ਵਿੱਚ ਲਿਆ ਗਿਆ।

ਦਰਸ਼ਨ ਲਈ ਲਾਈਵ ਸਟ੍ਰੀਮਿੰਗ ਕੀਤੀ ਜਾਵੇਗੀ, ਜਿਸ ‘ਤੇ ਸਾਰਿਆਂ ਨੇ ਸਹਿਮਤੀ ਜਤਾਈ ਹੈ। ਮੀਟਿੰਗ ਵਿੱਚ ਬਾਂਕੇ ਬਿਹਾਰੀ ਮੰਦਰ ਦੇ ਸਮੇਂ ਨੂੰ ਬਦਲਣ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਗਰਮੀਆਂ ਵਿੱਚ, ਆਰਤੀ ਸਵੇਰੇ 7 ਤੋਂ 7:15 ਵਜੇ ਤੱਕ ਹੋਵੇਗੀ, ਦਰਸ਼ਨ 7:15 ਵਜੇ ਤੋਂ ਸ਼ੁਰੂ ਹੋ ਕੇ 12:30 ਵਜੇ ਤੱਕ ਹੋਣਗੇ। ਇਸ ਤੋਂ ਬਾਅਦ ਆਰਤੀ 12:30 ਤੋਂ 12:45 ਵਜੇ ਤੱਕ ਹੋਵੇਗੀ।

ਸ਼ਾਮ ਨੂੰ, ਮੰਦਰ ਵਿੱਚ ਦਰਸ਼ਨ 4:15 ਤੋਂ 9:30 ਵਜੇ ਤੱਕ ਹੋਣਗੇ ਅਤੇ ਆਰਤੀ 9:30 ਤੋਂ 9:45 ਵਜੇ ਤੱਕ ਹੋਵੇਗੀ। ਇਸੇ ਤਰ੍ਹਾਂ, ਸਰਦੀਆਂ ਵਿੱਚ, ਆਰਤੀ ਸਵੇਰੇ 8:00 ਤੋਂ 8:15 ਵਜੇ ਤੱਕ, ਦਰਸ਼ਨ 8:15 ਤੋਂ 1:30 ਵਜੇ ਤੱਕ ਅਤੇ ਆਰਤੀ 1:30 ਤੋਂ 1:45 ਵਜੇ ਤੱਕ ਹੋਵੇਗੀ। ਦਰਸ਼ਨ ਸ਼ਾਮ 4 ਤੋਂ 9 ਵਜੇ ਤੱਕ ਅਤੇ ਆਰਤੀ 9 ਤੋਂ 9:15 ਵਜੇ ਤੱਕ ਹੋਵੇਗੀ।