ਭਾਰਤੀ ਮੂਲ ਦੇ ਖਿਡਾਰੀ ਦੁਨੀਆ ‘ਚ ਵਧਾ ਰਹੇ ਦੇਸ਼ ਦਾ ਗੌਰਵ, ‘ਮਨ ਕੀ ਬਾਤ’ ‘ਚ PM ਮੋਦੀ ਨੇ ਕੀਤਾ ਟੀ-20 ਵਿਸ਼ਵ ਕੱਪ ਦਾ ਜ਼ਿਕਰ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ‘ਮਨ ਕੀ ਬਾਤ’ ਵਿਚ ਕਿਹਾ ਕਿ ਭਾਰਤੀ ਮੂਲ ਦੇ ਖਿਡਾਰੀ ਦੁਨੀਆ ਵਿਚ ਦੇਸ਼ ਦਾ ਗੌਰਵ ਵਧਾ ਰਹੇ ਹਨ ਤੇ ਇਥੋਂ ਦੇ ਨੌਜਵਾਨਾਂ ਲਈ ਪ੍ਰੇਰਣਾ ਬਣ ਰਹੇ ਹਨ। ਮੋਦੀ ਨੇ ਕਿਹਾ ਕਿ ਮੈਂ ਅਕਸਰ ਕਹਿੰਦਾ ਹਾਂ ਕਿ ‘ਜੋ ਖੇਲੇ-ਉਹ ਖਿਲੇ’। ਖੇਡ ਸਾਨੂੰ ਜੋੜਦਾ ਹੈ।

ਅੱਜ ਕੱਲ੍ਹ ਤੁਸੀਂ ਟੀ-20 ਵਿਸ਼ਵ ਕੱਪ ਦੇ ਮੈਚ ਦੇਖ ਰਹੇ ਹੋਵੋਗੇ ਤੇ ਮੈਨੂੰ ਪੱਕਾ ਵਿਸ਼ਵਾਸ ਹੈ ਕਿ ਮੈਚ ਦੇਖਦੇ ਹੋਏ ਕਈ ਵਾਰ ਕਿਸੇ ਖਾਸ ਖਿਾਡਰੀ ‘ਤੇ ਟਿਕ ਜਾਂਦੀ ਹੋਵੇਗੀ। ਜਰਸੀ ਕਿਸੇ ਹੋਰ ਦੇਸ਼ ਦੀ ਹੁੰਦੀ ਹੈ ਪਰ ਨਾਂ ਸੁਣ ਕੇ ਲੱਗਦਾ ਹੈ ਕਿ ਇਹ ਤਾਂ ਆਪਣੇ ਦੇਸ਼ ਦਾ ਹੈ। ਉਦੋਂ ਦਿਲ ਦੇ ਕਿਸੇ ਕੋਨੇ ਵਿਚ ਹਲਕੀ ਜਿਹੀ ਖੁਸ਼ੀ ਹੁੰਦੀ ਹੈ ਕਿਉਂਕਿ ਉਹ ਖਿਡਾਰੀ ਭਾਰਤੀ ਮੂਲ ਦਾ ਹੁੰਦਾ ਹੈ ਤੇ ਉਹ ਉਸ ਦੇਸ਼ ਲਈ ਖੇਡ ਰਿਹਾ ਹੈ ਜਿਥੇ ਉਸ ਦਾ ਪਰਿਵਾਰ ਵਸ ਗਿਆ ਹੈ। ਉਹ ਆਪਣੇ-ਆਪਣੇ ਦੇਸ਼ਾਂ ਦੀ ਜਰਸੀ ਪਹਿਨ ਕੇ ਮੈਦਾਨ ਵਿਚ ਉਤਰਦੇ ਹਨ, ਪੂਰੇ ਮਨ ਨਾਲ ਉਸ ਦੇਸ਼ ਦੀ ਅਗਵਾਈ ਕਰਦੇ ਹਨ।

ਉਨ੍ਹਾਂ ਕਿਹਾ ਕਿ ਕੈਨੇਡਾ ਦੀ ਟੀਮ ‘ਚ ਸਭ ਤੋਂ ਵੱਧ ਭਾਰਤੀ ਮੂਲ ਦੇ ਖਿਡਾਰੀ ਹਨ। ਕੈਨੇਡਾ ਕ੍ਰਿਕਟ ਟੀਮ ਦੇ ਕਪਤਾਨ ਦਿਲਪ੍ਰੀਤ ਬਾਜਵਾ ਪੰਜਾਬ ਦੇ ਗੁਰਦਾਸਪੁਰ ਤੋਂ ਹਨ। ਨਵਨੀਤ ਧਾਲੀਵਾਰ ਚੰਡੀਗੜ੍ਹ ਦੇ ਹਨ। ਇਸ ਸੂਚੀ ਵਿਚ ਹਰਸ਼ ਠਾਕੁਰ, ਸ਼੍ਰੇਅਸ ਮੋਵਾ ਵਰਗੇ ਕਈ ਨਾਂ ਹਨ ਜੋ ਕੈਨੇਡਾ ਦੇ ਨਾਲ ਨਾਲ ਭਾਰਤ ਦਾ ਵੀ ਗੌਰਵ ਵਧਾ ਰਹੇ ਹਨ।

ਅਮਰੀਕਾ ਤੇ ਓਮਾਨ ਦੀ ਟੀਮ ਦੇ ਵੀ ਕਈ ਖਿਡਾਰੀ ਭਾਰਤੀ ਹਨ। ਅਮਰੀਕੀ ਟੀਮ ਦੇ ਕਪਤਾਨ ਮੋਨਾਂਕ ਪਟੇਲ ਗੁਜਰਾਤ ਦੀ ਅੰਡਰ-16 ਤੇ ਅੰਡਰ-18 ਟੀਮ ਲਈ ਵੀ ਖੇਡ ਚੁੱਕੇ ਹਨ। ਮੁੰਬਈ ਦੇ ਸੌਰਭ, ਹਰਮੀਤ ਸਿੰਘ, ਦਿੱਲੀ ਦੇ ਮਿਲਿੰਦ ਕੁਮਾਰ, ਇਹ ਸਾਰੇ ਅਮਰੀਕੀ ਟੀਮ ਦੀ ਸ਼ਾਨ ਹਨ। ਓਮਾਨ ਦੀ ਟੀਮ ਵਿਚ ਅੱਜ ਕਈ ਚਿਹਰੇ ਹਨ ਜੋ ਪਹਿਲੇ ਭਾਰਤ ਦੇ ਵੱਖ-ਵੱਖ ਰਾਜਾਂ ਵਿਚ ਖੇਡ ਚੁੱਕੇ ਹਨ। ਜਤਿੰਦਰ ਸਿੰਘ, ਵਿਨਾਇਕ ਸ਼ੁਕਲਾ, ਕਰਨ, ਜੈ, ਆਸ਼ੀਸ਼ ਵਰਗੇ ਖਿਡਾਰੀ ਓਮਾਨ ਕ੍ਰਿਕਟ ਦੀ ਮਜ਼ਬੂਤ ਕੜ੍ਹੀ ਹਨ।

ਨਿਊਜ਼ੀਲੈਂਡ, ਯੂਏਈ ਤੇ ਇਟਲੀਲ ਦੀਆਂ ਟੀਮਾਂ ਵਿਚ ਵੀ ਭਾਰਤੀ ਮੂਲ ਦੇ ਖਿਡਾਰੀ ਆਪਣੀ ਜਗ੍ਹਾ ਬਣਾ ਰਹੇ ਹਨ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅਜਿਹੇ ਕਿੰਨੇ ਹੀ ਭਾਰਤੀ ਮੂਲ ਦੇ ਖਿਡਾਰੀ ਹਨ ਜੋ ਦੁਨੀਆ ਭਰ ‘ਚ ਸਾਡਾ ਨਾਮ ਰੌਸ਼ਨ ਕਰ ਰਹੇ ਹਨ। ਭਾਰਤੀ ਜਿਥੇ ਵੀ ਜਾਂਦੇ ਹਨ ਉਥੇ ਆਪਣੀ ਮਾਤਭੂਮੀ ਨਾਲ ਜੁੜੇ ਰਹਿੰਦ ਹਨ ਤੇ ਆਪਣੀ ਕਰਮਭੂਮੀ ਯਾਨੀ ਜਿਸ ਦੇਸ਼ ਵਿਚ ਰਹਿੰਦੇ ਹਨ ਉਸ ਦੇ ਵਿਕਾਸ ਵਿਚ ਸਹਿਯੋਗ ਕਰਦੇ ਹਨ।